Нашата мисија
Основни приоритети на компанијата се:
КВАЛИТЕТ
Ескон-Инженеринг се стреми кон воведување на стандардот за контрола на квалитет ISO 9001, преку идентификување на своите карактеристични процеси, започнувајќи од маркетинг до развој на производ, производство, продажба и техничка поддршка.
Ескон-Инженеринг се обврзува:
- Квалитетот да биде наш императив во поглед на услугите кои им ги пружаме на нашите клиенти, електро материјалите кои ги користиме и производите кои ги нудиме на пазарот.
- Да обезбедиме континуирано подобрување на производите и услугите кои ги нудиме, преку објективна анализа на податоци и преку изготување на годишни планови за подобрување.
- Да се избегнат потенцијалните неефикасности кон клиентите, како и следење на известувањата и барањата.
- Продажба на опрема со висок квалитет и од брендови зад кои можеме да застанеме – опрема со познато потекло, произведена според важечките прописи и која ќе ги даде очекуваните резултати.
ИСТРАЖУВАЊЕ И РАЗВОЈ
Клучот за растот и успехот на Ескон-Инженеринг лежи во истражувањето и развојот кои имаат клучна улога во подобрувањето на услугите и производите кои им ги нудиме на клиентите.
Ова ќе го постигнеме преку следење и активно учество во промовирање на новите технологии за заштеда на електрична енергија, подолготрајна експлоатација на опремата и зачувување на околината.
ЧОВЕЧКИ РЕСУРСИ
Ескон-Инженеринг е свесен дека зад секој негов успех стои трудот на неговите вработени. Нашата цел е да ги зајакнеме нашите човечки ресурси преку подобрување и зголемување на специфичните вештини на секој вработен, и на тој начин да создадеме мулти-талентиран тим кој ќе може успешно да одговори на сите предизвици на пазарот.